Teen die huidige verkoopsvolumes sal nog ongeveer 200 van die land se nuwevoertuig-franchisemotorhandelaars binne die volgende ses maande moet sluit as die handelaarsnetwerk volhoubaar wil bly, het Brand Pretorius, uitvoerende hoof van McCarthy Motor Holdings, Woensdag gesê.
Verlede jaar het 150 franchise-handelaars en 200 onafhanklike handelaars gesluit en 9 500 mense het hulle werk verloor.
Vinniger rasionalisering is onvermydelik, het Pretorius gesê, want daar is net te veel handelaars en verkope per handelaar kan nie die kostestrukture hanteer nie.
