Staatsgesubsidieerde welsynsorganisasies is woedend omdat die LUR vir maatskaplike dienste en bevolkingsontwikkeling, Meshack Radebe, niks doen om die krisis weens die vertraging van hulle maandelikse subsidies af te weer nie.
’n Stroom briewe en oproepe na die LUR se kantoor het geen antwoorde opgelewer oor die rede waarom Februarie se subsidies, wat terugwerkend bereken en op Maart 18 betaal sou word, meer as ’n week laat was nie.
Die Daily News het die LUR Woensdag “iewers in die boendoe” opgespoor. Hy het gesê hy was nie bewus van die probleem nie omdat hy nie op kantoor was nie.
