Retekoersverminderings in die buiteland het die geleentheid geskep vir die herstel van die aandelemarkte, maar in Suid-Afrika bly rentekoerse betreklik hoog.
Ten spyte van die feit dat die rentekoers onlangs verlaag is, het die plaaslike reële rentekoers – die nominale koers minus inflasie – sedert laat verlede jaar gestyg.
Alhoewel leners op die nominale koers fokus, word monetêre beleid en valutabewegings deur reële koerse beïnvloed. Die nominale repokoers wat die Reserwebank tans vra vir geld wat hy aan die banksektor leen is 10,5%; in Junie 2008 was dit 12%.
