Die Huge Groep oorweeg dit om die JSE vir naamskending te dagvaar. Dié groep is woedend omdat hy daarvan beskuldig word dat hy die JSE-reëls oortree het. Daar word beweer dat Huge nie ’n botsing van belange verklaar het toe hy sy eie aandele in Oktober teruggekoop het nie.
Dit sal die eerste keer wees dat die JSE deur ’n kliënt vir naamskending gedagvaar word.
Huge se uitvoerende hoof, James Herbst, sê die telekommunikasiemaatskappy oorweeg dit ook om te denoteer omdat hulle verskaffer so “wraaksugtig” voorkom en die maatskappy se reputasie ondermyn het.
