Terwyl gerugte die rondte doen dat Telkom Media op die randjie van toemaak is, lyk dit asof On Digital Media (ODM) die enigste maatskappy oor is wat die monopolie van MultiChoice kan breek.
ODM het laas jaar gesê dat hy R1 miljard nodig het om sy diens te loods en hoof-uitvoerende beampte, Vino Govender, het Dinsdag gesê dat befondsing die grootste probleem is vir nuut-gelisensieerde betaal TV maatskappye.
Die moeilike huidige ekonomiese klimaat vererger sake. Maar die maatskappy sê egter hy is reg om later vanjaar meer as 60 kanale aan te bied.
