Suid-Afrikaanse mynaandele het Vrydag met meer as 2% teruggesak weens swakker metaalpryse.
Finansiële aandele het die voorbeeld van die res van die wêreld gevolg en die rand het skerp teenoor die dollar gedaal.
Die JSE Top 40-indeks van prima aandele het met 2,33% gedaal tot 18 719,70 punte, en die indeks van alle aandele met 2,14% tot 20 661,32 punte.
Die rand het Vrydag op 9,57 teenoor die dollar verhandel, ongeveer 2,4% swakker as Donderdag se sluiting van 9,3450 in New York. Dit was vroeër 9,6350.
