Zimbabwe soek hulp met graaninvoere as gevolg van jare se droogte en die verminderde landboukapasiteit, het 'n ekonomiese beleidsdokument van die koalisieregering wat Donderdag bekendgemaak is, gesê.
Volgens die dokument het Zimbabwe 2 miljoen ton mielies en omtrent 500 000 ton koring per jaar nodig om sy bevolking te voed.
"In die laaste paar jare het ons nie daarin geslaag om gemiddeld meer as 20% van die vereistes te produseer nie. Dus moet daar gereken word om omtrent 80% van die graan in die vorm van hulp te kan bekom."
