Seerowers het gevuur op ‘n Japannese vragskip wat by die kus van Somalië verbygevaar het maar die skip het weggekom, het die Japannese regering Maandag gesê. Niemand is in die voorval beseer nie.
Die seerowers het in twee klein bote aangekom en begin vuur op die Jasmine Ace, wat met motors onderweg was na Kenia. Die skip het ontwykende bewegings uitgevoer en geslaag daarin om weg te kom.
In 2008 is 12 Japannese skepe aangeval in die gebied.
