Miljoene mense dwarsoor die planeet sal Saterdagaand vir een uur hul ligte afsit, in wat organiseerders hoop sal help om meer te doen vir die veldtog teen klimaatsverandering.
Meer as 80 lande het hulle verbind tot Earth Hour, en ligte sal afgeskakel word by die bekende Sydneyhawe, asook by die Giza piramides, die Eiffeltoring, die Akropolis en vele ander wêreldbekende plekke.
In Hong Kong sal meer as 1 500 geboue hul ligte doof. Een van die organiseerders, Andy Ridley, het gesê die doel van die veldtog is om lande aan te spoor om ‘n nuwe klimaatsveranderingsooreenkoms te sluit.
