Die Industrial Development Corporation het by die Noord Gauteng Hooggeregshof in Pretoria aansoek gedoen om Pamodzi Goud se Orkney myn in die Noord-Wes onder geregtelike toesig te plaas.
Regter Bill Prinsloo het egter in die guns van drie krediteure uitspraak gelewer. Hulle het probeer om die myn onder tydelike likwidasie te plaas. Pamodzi het nou tot 14 April om te wys waarom die Orkney myn nie onder finale likwidasie geplaas moet word nie. Die IDC is een van Pamodzi se grootste krediteure – dit het die maatskappy R200m in Desember verlede jaar geleen.
