Die Wes-Kaapse premier, Helen Zille, het die ANC daarvan beskuldig dat hulle ’n dag voor die verkiesing bates gestroop het deur 1 000 ha provinsiale grond na ’n nasionale liggaam oor te dra.
Sy het ook die vorige ANC provinsiale regering daarvan beskuldig dat hulle die transaksie in die geheim beklink het.
Grond in o.a. Constantia, Oude Molen, Plumstead, Ravensmead en Philippi is ’n dag voor die verkiesing na die nuwe Behuisingsontwikkelingsagentskap oorgeplaas. Die provinsie het nie ’n sent daarvoor ontvang nie.
