‘n Belangrike element van leierskap is die vermoë van ‘n werkgewer om die werknemers onder hande te neem en ordentlike opleiding te gee, ten einde te sorg dat die besigheid so doeltreffend moontlik funksioneer.
Die werkgewer moet bereid wees om geduldig met nuwelinge te sit en hulle te help om hulle vermoëns te ontwikkel. Dit gebeur egter dikwels dat nuwelinge wat oor geen ondervinding beskik nie, eerder ‘n las word ‘n bate word.
Fasset, ‘n instansie wat omsien na die opleiding en onderrig van werknemers in die finansiële sektor, bied nou leierskapkursusse aan wat die nodige werksondervinding simuleer, asook basiese opleiding wat die nuweling meer effektief in die werkplek sal laat funksioneer.
