Die Amerikaanse kommissie vir die veiligheid van verbruikersprodukte het aangekondig dat Hewlett-Packard (HP) sowat 70 000 batterye vir skootrekenaars van die mark gaan onttrek, weens ‘n brandgevaar wat dit inhou.
Die kommissie het gesê hulle het twee klagtes ontvang van batterye wat aan die brand geslaan het weens oorverhitting. Geringe skade aan eiendom is in die proses aangerig, maar niemand is beseer nie.
