Die MeerKAT, ’n reuse plaaslik ontwikkelde astronomiese teleskoop, word 100 km vanaf Carnarvon in die Noord-Kaap opgerig. Miljarde rande is by dié projek betrokke.
Dié teleskoop, wat aanvanklik die Karoo Array Telescope (KAT) genoem is, sal radiogolwe eerder as lig monitor. Sterrekundiges kan akkurate “beelde” uit radiogolwe opbou omdat radiogolwe verder en met minder ontwrigting as lig uitgestraal word.
Die projek is intussen uitgebrei om teen 2012 nóg 80 radioskottels in te sluit, vandaar die naam MeerKAT.
