Samancor Chrome, die wêreld se tweede grootste ferrochroomvervaardiger sal moontlik van sy Suid-Afrikaanse fabrieke moet sluit weens stygende uitgawes.
Uitgawes het “dramaties” opgegaan en elektrisiteitstariewe sou nog verder styg, het voorsitter Danko Konchar Woensdag gesê. Samancor het ongeveer 75% van sy besigheid weer begin nadat all vervaardiging in Desember gestaak is weens swak aanvraag.
Ander ferrochroomvervaardigers soos Xstrata, Hernic en International Ferro Metals het ook vervaardiging opgeskort weens vallende pryse en ‘n daling in die aanvraag na vlekvrye staal.
