Suid-Afrika se wynverkope ly onder die wêreldwye ekonomiese krisis, het Suid-Afrika se Wine-of-the-Month-klub Dinsdag gesê.
"Dis nie waar dat mense meer drink as dit swaar gaan nie. Hulle drink minder, of koop goedkoper [wyn],” het die klub se voorsitter, Colin Collard, gesê.
Sommige van die plaaslike produsente se uitvoerbestellings is gekanselleer, nie weens lae gehalte of swak diens nie, maar weens moeilike handelstoestande in Suid-Afrika se vernaamste uitvoermarkte.
“Die gevolg is dat duur uitvoerwyne wat moeilik bekombaar was, nou meer geredelik plaaslik beskikbaar is,” het hy gesê.
