Facebook het Vrydag vals webwerwe wat deur kuberkrakers geskep is en presies lyk soos die gewilde sosiale netwerk se tuisblad, geblok.
“Ons is bewus van die aanval en is tans besig om hierdie vals webwerwe te blok,” het die Palo Alto maatskappy in ‘n verklaring gesê.
“Ons is ook besig om ligsinnige boodskappe en muurplasings te verwyder, en die wagwoorde van diegene wat geaffekteer is, sal vervang word.”
Facebook het nie gesê hoeveel van die 200 miljoen gebruikers van die sosiale netwerk is deur die jongste kuberkraker insident geaffekteer nie.
