Die wêreld moet hul ekonomië versterk en probeer om die finansiële krisis so vinnig as moontlik agter hulle te sit, het die minister van nasionale beplanning, Trevor Manuel, Donderdagaand gesê.
Hy het by ‘n vergadering gesê, “Ons begin nou eers verstaan die kompleksiteit van wat oor die afgelope 18 maande gebeur het. Ons verstaan dat regulerende foute ‘n gemene deler was.”
Hy het gesê daar moet vinnig opgetree word om swakhede in die regulerende sisteem uit die weg te ruim.
