Rand Merchant Bank se Ettienne le Roux is as die bank se nuwe hoofekonoom aangestel.
Hy volg die 62-jarige Rudolf Gouws op wat aan die einde van die jaar Kaap toe verhuis ná 23 jaar by RMB. Gouws sal in die RMB-direksie aanbly en steeds beskikbaar wees vir RMB en die ander FirstRand-maatskappye wat hy tans adviseer.
Le Roux het in 1997 as ekonoom by RMB aangesluit en was sedert 2005 RMB se senior ekonoom. Hy neem op 1 Julie 2009 die leisels by Gouws oor.
