Google het dit vir ‘n wyle oorweeg om die gedrukte media te betree, maar het egter daarteen besluit.
Google se voorsitter en uitvoerende hoof, Eric Schmidt, het gesê die maatskappy, wat in Kalifornië geleë is, het dit oorweeg om hul welwillendheids-afdeling, Google.org, te gebruik om nuusagentskappe wat nie-winsgewend is, te ondersteun.
Die maatskappy het egter daarteen besluit, aangesien die risiko’s daaraan verbonde eenvoudig te hoog is. Schmidt sê ook hy twyfel of gebruikers sal betaal vir nuus, indien dit alreeds gratis beskikbaar is.
