Die JSE het Dinsdagoggend stewiger vertoon nadat aandele in die VSA en Asië oornag hoër verhandel het danksy positiewe sentiment en tekens van ’n gesonder finansiële stelsel.
Teen 9:20 was die JSE se indeks van alle aandele 1,53% hoër, hulpbronne het met 1,71% gestyg, en platinum met 1,77%. Goudmynmaatskappye het egter met 1,03% gedaal. Banke was met 2,79% op, finansiële aandele het met 2% verstewig, en nywerheidsaandele met 1,08%.
Die rand het op R8,47 teen die dollar verhandel teenoor R8,64 met sluitingstyd Maandag. Platinum het teen $1 131,50 per ons verhandel en teen 9:10 was ’n vat Brent-ruolie $59,52 werd.
