Liam Clifford, besturende direkteur van www.globalvisas.com, a private maatskappy wat immigrasie- en visadienste en -advies lewer, sê die koste van Britse visums vir Suid-Afrikaners kom neer op “openlike roof”.
’n Visum vir twee jaar kos R2 795, een vir vyf jaar R5 200 en een vir 10 jaar R6 500.
Met ongeveer 10 000 visumaansoeke per maand deur Suid-Afrikaners, beteken dit Visa Facilitation Services, die Britse agentskap wat die visumaansoeke namens die Britse regering hanteer, maak minstens R360 miljoen per jaar aan fooie.
