Goedkoper telekommunikasie en internet-konneksies is eersdaags hier wanneer die Seacom ondersese optiese kabel aan die einde van Junie aanlyn kom.
Seacom is reg om die eerste projek te word wat gelyke en oop toegang tot goedkoop bandwydte aan oos- en suider-Afrika verskaf, het Seacom uitvoerende hoof Brian Herlihy gesê.
"Binne 'n maand sal suider en oos-Afrika uiteindelik werklik gekoppel wees aan internasionale breëband netwerke," het Herlihy gesê en Suid-Afrika sal uiteindelik deel wees van die hoë-spoed internet hoofweg met ware breëband vermoë.
