Baie ekonome sê die ekonomiese inkrimping in Suid-Afrika is erger as wat hulle gedink het.
Die direkteur-generaal van die departement van finansies, Lesetja Kganyago, het Dinsdag op ‘n perskonferensie gesê die land is amptelik in ‘n resessie en sou gelukkig wees as daar nul groei beleef word vanjaar.
Die ekonoom Arthur Kamp het gesê dit was kommerwekkend dat die probleme van die myn-en vervaardigingssektor versprei het na die dienstesektor, wat meer as 60% van die ekonomie beslaan. Ander het gesê die repokoers sal gesny moet word om die ekonomie uit te help.
