Alle Suid-Afrikaners staar resessie in die gesig, maar dit is nie ewe erg vir almal nie, meen John Simpson van UCT se Unilever Instituut vir Strategiese Bemarking.
Hoe mense die resessie beleef, hang van hul finansiële situasie af, het hy Woensdag in Johannesburg gesê. “Mense met spaargeld om te belê kan selfs beter af wees,” meen hy.
Hy het verder gesê die ervaring het ook te make met ouderdom en selfvertroue, met jonger mense en ryker swart mense wat die meeste selfvertroue het.
