Dit wil voorkom asof daar ‘n stryd in die nuwe kabinet is tussen van die ministeriële afdelings. Die nuwe ekonomiese ontwikkelingsministerie kan moontlik sleutelmandate wegneem van die departement van handel en nywerheid.
Collins Chabane, die minister in die presidensie aan die hoof van monitering en evaluasie het laat blyk dat daar onsekerheid is oor watter departement met magtige maatskappye soos Eskom en Transnet sal werk.
Dit is nie duidelik of die minister van openbare ondernemings, Barbara Hogan, beheer sal verloor van SAA, Transet en Eskom nie.
