Die vyfdaagse Metrobus-staking oor salarisse is verby, aldus ’n woordvoerder van die Stad Johannesburg.
Gabu Tugwana sê die werkers het ’n skikkingsaanbod aanvaar en met hul lede oorleg gepleeg. Dit beteken effektief dat die beplande sekondêre staking wat vir Donderdag beplan is, sowel as ’n beplande aansoek tot die Arbeidshof om die staking te keer, ook van die baan is.
Volgens Tugwana word die dienste Vrydag hervat.
