Die wêreldwye verspreiding van varkgriep kan die wêreldekonomie tref, het ‘n senior beampte by die Internasionale Monetêre Fonds Maandag gesê en gewaarsku dat die ekonomiese krisis ver van verby is.
John Lipsky, die eerste adjunk-besturende hoof van die IMF het gesê dit was moeilik om die gevare van die nuwe soort griep te voorspel aangesien dit onbekend was en dit onseker was hoe dit versprei en hoe dodelik dit was.
“Hopelik sal die impak klein wees. Maar na die uitbreek van voëlgriep ‘n paar jaar gelede, is baie uitgebreide gebeurlikheidsplanne in plek gesit in verband met, byvoorbeeld, die finansiële sektor,” meen Lipsky.
