Nuwe wetgewing wat net wag op President Barack Obama se handtekening kan die einde van ‘n era vir duisende Amerikaanse studente inlei wat MasterCard of Visa gebruik om in moeilike tye te oorleef.
Onder die wetgewing mag kredietkaartmaatskappye nie kaarte vir mense onder 21 gee nie, tensy hulle kan bewys dat hulle hul skuld kan terugbetaal of as ‘n ouer of voog borg sal staan. ‘n Woordvoerder van ‘n groep wat studenteregte beskerm, sê hulle hoop dit sal studente help wat andersins maklik die prooi kan wees van buitensporige rentekoerse en ander slaggate.
