Die netwerk van tolplazas landwyd gaan oor die volgende drie jaar afgebreek word ter voorbereiding van ’n revolusionêre nuwe stelsel – ooppad-tolgeldinvordering.
Motoriste wat by tolpunte verbyry, sal outomaties via ’n elektroniese skanderingstelsel aangeslaan word. Dié stelsel lees 'n elektroniese senders op ’n motor se voorruit.
Aan die einde van die maand kry motoriste dan ’n rekening vir hul tolgeld.
Nazir Alli, uitvoerende hoof van die South African National Roads Agency (Sanral), sê betalingsopsies sal net soos lugtyd vir selfone werk.
Die eerste loodsprojek word in November 2010 in Gauteng van stapel gestuur.
