Huispryse het in Februarie 2009 met 6.9% gedaal teenoor die hersiene koers van 4.7% in Januarie, sê Eerste Nasionale Bank (ENB).
Dit was die vierde opeenvolgende maand van gemiddelde jaar-op-jaar-huisprysdeflasie. Hierdie neiging sal waarskynlik vir die res van 2009 voortduur.
Op ’n maand-tot-maand-grondslag is 2.2% deflasie in Februarie aangeteken, teenoor die hersiene syfer van 1,9% in Januarie.
