Die Internasional Monetêre Fonds (IMF) stuur van 9 tot 24 Maart ’n span op ’n feitesending na Zimbabwe. Die nuwe regering probeer tans finansiering kry om die land se sukkelende ekonomie weer op die been te bring.
Dié besoek sal die eerste wees sedert Desember 2006. Die nuwe eerste minister, Morgan Tsvangirai, sê dis ’n prioriteit om bande met internasionale finansiële instellings te herstel.
Die IMF-span sal Zimbabwe se ekonomiese situasie, vooruitsigte en die regering se beleid evalueer.
