Die Britse premier, Gordon Brown, gaan President Barack Obama vir besonderhede vra oor sy planne om die sukkelende Amerikaanse ekonomie weer op dreef te kry en veral hoe dit wêreldwyd ‘n impak kan maak.
Die twee leiers gaan ook maniere bespreek om laks finansiële inrigtings vas te vat. Daar word verwag dat dit een van die groot besprekingspunte gaan wees by ‘n vergadering van die sogenaamde Groep van 20 waar Brown op 2 April in Londen as gasheer gaan optree.
