Ekonome sê weens die feit dat Suid-Afrika moontlik op pad is na ‘n resessie, sal ekonomiese beleid van uiterste belang wees vir die nuwe president, Jacob Zuma.
Zuma word as die een mens in townships beskou wat armoede kan beëindig, maar hy kan moontlik nie sy verbintenis gestand doen om werkloosheid teen 2011 te verminder nie. Suid-Afrika het van 2004 tot 2007 jaarliks met sowat 5% gegroei, maar daar word gemeen die ekonomie gaan hierdie jaar met slegs 1% groei.
