Die hoof uitvoerende amptenaar van die Kamer van Koophandel van die Kaapse streek, Albert Schuitmaker, sê die besluit van die stad Kaapstad om kommersiële eiendomsbelasting met 15.8% te verhoog – bykans dubbel soveel as belasting vir wonings – is onaanvaarbaar.
Schuitmaker sê die verhoging kom op ‘n tyd waar baie besighede swaarkry en sukkel om te oorleef en personeel te behou. “As die verhoging ingestel word, sal baie besighede moontlik personeel afdank.” Hy sê besighede was grootliks daarvoor verantwoordelik dat die sentrale besigheidsdistrik herlewe het.
