Arm lande het net genoeg Tamiflu om ’n klein gedeelte van hul bevolkings te behandel indien varkgriep sou toeneem. Deskundiges stel nou ’n eenvoudige maar omstrede oplossing voor: die grootskaalse produksie van generiese medisyne.
Tamiflu, wat deur die Switserse maatskappy Roche vervaardig word, word deur patentereg beskerm, maar arm lande mag dit omseil as daar ’n gesondheidskrisis dreig.
Cipla, die reuse Indiese farmaseutiese maatskappy, sê hulle sal $12 (R100) vra vir ’n kursus generiese Tamiflu. Een kursus van Roche se Tamiflu kan tot $100 (R847) kos.
