Die nuwe minsiter van finansies, Pravin Gordhan, sê die regering is bereid om ’n debat te voer oor ekonomiese beleid soos inflasieteikens.
"Sommige rolspelers in Suid-Afrika, soos Cosatu, het dié vraag gevra,” het Gordhan Dinsdag in ’n onderhoud op SAFM gesê.
Hy sê sy benadering stem ooreen met die gees wat president Jacob Zuma wil skep – “Ons wil praat, ons wil debatteer, ons wil bespreek en alle rolspelers moet betrokke wees,” het hy gesê.
