Die minister verantwoordelik vir die nuwe Nasionale Beplanningskommissie, Trevor Manuel, het Maandag ontken dat die nuwe rangskikking van ekonomiese departemente in ‘n nagmerrie kan ontaard.
Hy het gesê dat President Zuma dit duidelik gemaak het dat hy ‘n regering van samewerking wou hê en dat hy die finale sê sou hê in enige konflik.
Manuel het gesê mense was onbewus daarvan dat daar groot ko-ordineringsprogramme in die regering was wat konflik sou keer.
“Soms sien mense probleme waar daar niks is nie,” het Manuel gesê.
