Telkom het bewerings ontken wat gemaak is deur Tim Lowry, die besturende direkteur van MTN SA, waar hy na bewering die maatskappy blameer vir sy eie netwerk se probleme.
Dit is volgens Telkom, “’n poging om aandag af te trek van MTN se eie onvermoë om ‘n goeie diens aan sy verbruikers te verskaf.”
In ‘n verklaring het Telkom gesê, “Dit is ironies en onaanvaarbaar dat elke keer as die selfoonmaatskappye moet verantwoording doen vir hul netwerk en kapasiteitstekortkominge, blameer hulle sommer net so vir Telkom”.
