‘n Ondersoek wat deur die Suid-Afrikaanse Kamer van Handel en Nywerheid geloods is, dui daarop dat handelstoestande in April tot hul laagste vlak ooit gedaal het.
Die handelsaktiwiteitsindeks, wat huidige handelstoestande meet, het van 38 in Maart tot 32 in April gedaal. Boonop het April dié jaar drie minder werksdae gehad as dieselfde tyd verlede jaar en dit het ook ‘n verskil gemaak.
