Die uitvoerende hoof van Yahoo!, Carol Bartz, het by ‘n beraad vir Internetdiensverskaffers aangevoer dat menseregte belangriker is as besigheid. Die beraad fokus op regerings wat die inhoud wat die verskaffers bied, wil beperk.
Bartz het ook gesê dat besighede nie meer agter die idee kan skuil dat “Ons eerstens ‘n besigheid is, en ons eerste prioriteit is om geld te maak” nie.
Afgevaardigdes van Yahoo!, Google en Microsoft het by die Yahoo! kampus in Sunnyvale, Kalifornië, vergader vir die beraad.
