Organisasies wat dokters en onafhanklike private hospitale, wat nie deel vorm van groot hospitaalgroepe soos Netcare en Medi-Clinic, verteenwoordig het ’n voorstel deur die Raad op Gesondheidsberoepe van SA gekritiseer om die etiese tarief wat bepaal wat ’n dokter se maksimum tarief mag wees, te vervang.
Die Raad stel voor dat die pasiënt ’n dokument teken om die praktisyn se tarief te aanvaar, wat dit ook al mag wees. Die pasiënt moet instem om die verskil te betaal as die dokter meer sou vra as die nasionale gesondheidsverwysingspryslys of die tarief wat deur die mediese fonds bepaal word.
