Ongeveer R24 miljoen is sedert 2007 van staatswerknemers herwin danksy ondersoeke na huissubsidiebedrog en korrupsie deur die Spesiale Ondersoekeenheid (SOE).
Dié sterk optrede het die departement van behuising nog R16,8 miljoen gespaar, sê Faiek Davids, onderhoof van die SOE.
In die proses is 753 staatswerknemers vervolg en 634 dissiplinêre lêers voorberei.
’n Oudit in 2006 deur die destydse ouditeur-generaal, Shauket Fakie, het onder andere bevind dat 53 426 huissubsidies ter waarde van R800 miljoen wat sedert 1994 uitbetaal is, verdag was.
