Die Suid-Afrikaanse Nasionale Verbruikersunie (Sancu), wat Internasionale Verbruikersdag Sondag vier, het die SABC gevra om betalings vir TV-lisensies te skrap.
Sancu is van mening dat die SABC die verbruikers nog meer wil laat betaal vir hul TV-lisensies, om hulle uit hul finansiële verknorsing te help.
Volgens Sancu voel verbruikers uiters gefrustreerd, omdat hulle voel dat hul kant van die saak nie gehoor word nie.
Die SABC het verlede jaar R152-miljoen spandeer om die lisensiegeld in te samel - dit is ongeveer 20% van die totale fooie wat hul gekry het.
