Die SA Transport and Allied Workers' Union (Satawu) het Vrydag gevra of samesprekings met Suid-Afrikaanse Lugdiens (SAL) hervat kan word nadat hulle ’n vergadering met die regering gehad het.
Die vakbond sê in die lig van die departement van openbare ondernemings se verbintenis tot die ontlonting van die dispuut, versoek Satawu SAL se hoëvlakbestuur onvoorwaardelik om tot die onderhandelingstafel terug te keer.
