Die JSE het stewiger internasionale finansiële markte geïgnoreer en Maandag in die rooi begin. Een van die handelaars het opgemerk dat markdeelnemers besig was om wins te neem na verlede week se goeie vertonings.
Teen 9:12 Maandagoggend het die JSE se indeks van alle aandele 0,50% en hulpbronne 1,17% ingeboet. Platinum-myners het met 0,30% verswak en goudaandele met 1,35%. Banke was 0,10% laer en finansiële aandele lusteloos op 0,03% laer. Nywerheidsaandele was egter effe hoër op 0,14%.
Die rand was R9,92 teenoor die dollar nadat hy Vrydag op R9,97 gesluit het.
