‘n Eiendomstrateeg by Eerste Nasionale Bank, John Loos, meen dat die huisleningsmark in ‘n resessie is sedert middel-2007, toe groei in die nuwe huisleningsmark “sterk negatief” geword het – met ander woorde, meer mense het terugbetaal as geld geleen.
Nuwe syfers van die Reserwebank wys dat die derde kwartaal ‘n 30% afname getoon het in die goedkeuring van nuwe huislenings in vergelyking met dieselfde tyd laas jaar.
Hierdie neiging sal na verwagting ook te siene wees in die vierde kwartaal en sal voortduur vir die res van 2009. Tog meen sommige ekonome dat daar wel groei in seker besigheidsektore is.
