Die Singapoerse lugdiens het Maandag gesê hy gaan sy vloot met 17 persent verklein en ondersoek ook verskeie ander kostebesparende maatreëls midde die wêreldwye ekonomiese insinking wat ook die reis- en lugvragmark hard getref het.
Die lugdiens, een van Asië se grootste, het in 'n verklaring gesê hy beplan om van 17 van sy 102 passasiersvliegtuie in die finansiële jaar van April 2009 tot Maart 2010 ontslae te raak, en oorweeg dit selfs om bestellings vir nuwe vliegtuie te kanselleer.
Singapore Airlines het gesê hy het voor die insinking reeds beplan om vier passasierstralers aan diens te onttrek, maar het dit nou tot 17 verhoog.
Die lugdiens ervaar 'n groot vermindering in vooruitbesprekings wat passasiers en lugvrag betref.
