Amerikaanse President Barack Obama het Donderdag ‘n begroting van $3.606 triljoen (ongeveer R35.4 triljoen) bekend gemaak, saam met assertiewe planne om die Amerikaanse ekonomie ‘n groot hupstoot te gee asook gesondheidsdienste op standaard te kry.
Die fiskale 2010 bestedingsplan is deel van Obama se pogings om die land uit die ekonomiese krises waarin dit op die oomblik is, te ruk.
"Die tyd het aangebreek dat ons ‘n nuwe tydperk omhels, ‘n tydperk van verantwoordelikheid waar ons nie net werksgeleenthede skep nie, maar waar ons ook geleenthede vir groei moet skep, sodat ons die belofte van Amerika kan hernu," het Obama gesê. "Die begroting is ‘n eerste stap in hierdie rigting."
