Toyota is besig om sy wêreld-produksiesyfer vir 2009 op nagenoeg 6,5 miljoen voertuie vas te stel - die laagste in ses jaar, het 'n vooraanstaande Japannese sake-dagblad Maandag berig.
Toyota het verkies om nie op die berig te reageer nie.
Dié motorvervaardiger, wat sy eerste netto-verlies sedert 1950 vir sy finansiële jaar tot Maart verwag, moet nog 'n voertuigverkoopsyfer of produksieteiken vir vanjaar aankondig.
